چیز مکسچر بنانے کے لئے ایک پین میں مکھن گرم کرکے اس میں لہسن ڈال کر ایک منٹ تک پکائیں۔ اب اس میں میدہ ڈال کر ہلکی آنچ پر خوشبودار ہونے تک پکائیں۔ پھر اس میں دودھ ڈال کر ہلائیں اور اس وقت تک پکائیں جب تک کہ کوئی گھٹلی باقی نہ رہے۔ اب اس میں نمک، خشک تھائم، اوریگانو، کالی مرچ، پیپریکا پاؤڈر، اور تبیسکو سوس ڈال کر ہلکی آنچ پرایک سے دو منٹ تک پکائیں۔

اب گاجر اور چکن ڈال کر ایک منٹ تک پکائیں۔پھر اس میں چیز ڈال کر پگھلنے تک پکائیں اور سائیڈ پر رکھ دیں۔

ڈو بنانے کے لئے ایک پین میں مکھن، پانی، دودھ اورچینی کو گرم کرکے درمیانی آنچ پر پگھلنے دیں۔

جب یہ ابلنے لگے تو چولہا ہلکا کر کے آہستہ آہستہ میدہ ڈالیں ور لکڑی کے چمچ سیمکس کرتے جائیں۔ اس وقت تک مکس کریں جب تک ڈو آدھی پک جائے۔اب اسے ایک باؤل میں ڈال کر دس منٹ تک ٹھنڈا ہونے دیں۔

پھر اس میں ایک ایک کرکے انڈے ڈالیں اور اچھی طرح پھینٹ لیں۔ اب اس بیٹر کو پائپنگ بیگ میں ڈال کر بیٹر کوبیکنگ شیٹ پر گول شکل میں پفس بنائیں۔اب اپنی انگلی کی نوک کو گیلا کرکے اس پر لگائیں تاکہ اس کا اوپر والا حصہ برابر ہوجائے اور اوون میں پھٹ نہ جائے۔

اب انہیں پہلے سے گرم اوون میں رکھیں اور ایک سو ساٹھ کے درجہ حرارت پر بیس سے پچیس منٹ بیک کرلیں۔

اب انہیں پہلے سے گرم اوون میں رکھیں اور ایک سو ساٹھ کے درجہ حرارت پر بیس سے پچیس منٹ بیک کرلیں۔

مکھن مکسچر بنانے کے لئے ایک باؤل میں پگھلا ہوا مکھن، پارسلے اور اوریگانو ڈال کر اچھی طرح مکس کریں۔ اب تیار چیز پفس لیں اور اس میں لکڑی کی اسٹک سے سوراخ بنا لیں۔

چیز پفس میں تیار چیز مکسچر کو بھر دیں۔

اب چیز پفس پر برش سے مکھن مکسچرلگائیں۔