چکن میرینیشن بنانے کے لئے ایک باؤل میں چکن، نمک، کالی مرچیں، ادرک لہسن پیسٹ، انڈہ، کارن سٹارچ، میدہ،سویا سو س اور سرکہ ڈال کر اچھی طرح مکس کر لیں اور تیس منٹ فریج میں رکھ دیں۔

اب ایک پین میں کھانے کا تیل گرم کرکے اس میں میرینیٹ کیا ہوا ڈالیں اور لائٹ گولڈن براؤن ہونے تک فرائی کر لیں۔

منچورین سوس بنانے کے لئے ایک برتن میں پیاز ڈال کر ایک منٹ پکا لیں۔ اب اس میں سرخ مرچیں، سبز شملا مرچ، سرخ شملا مرچ اور گاجریں ڈا ل کر ایک منٹ تیز آنچ پر پکا لیں۔پھر اس میں کیچپ، سویا سوس، اوسٹر سوس، سرکہ، نمک، کالی مرچ اور چینی ڈال کر دو سے تین منٹ پکائیں۔

اب اس میں چکن یخنی ڈال کر ابلنے دیں اور جب بلبلے آنے لگ جائیں تواس میں سلری ڈال کر گاڑھی ہونے تک پکائیں۔

پھر اس سوس میں فرائی کیا ہوا چکن ڈالیں اور اچھی طرح مکس کر لیں اور چولہا بند کر دیں۔

اسکرمبلڈ ایگ بنانے کے لئے ایک باؤ ل میں انڈے، نمک، کالی مرچ اور کھانے کا رنگ ڈال کر مکس کر لیں اور سائیڈ پر رکھ دیں۔

اب پہلے سے گرم فرائی پین میں کھانے کا تیل گر م کرکے اس میں انڈوں کا مکسچر ڈالیں اور اسکرمبلڈ ایگ تیار کر لیں۔

فرائیڈ رائس بنانے کے لئے ایک برتن میں کھانے کا تیل گر م کرکے اس میں لہسن ڈال کر گولڈن براؤن ہونے تک پکائیں۔اب اس میں گاجریں، سبز شملا مرچ، سرخ شملا مرچ، بند گوبھی اور کارنز ڈال کر ایک منٹ پکائیں۔

اب اس میں سویا سو س، سرکہ، نمک اور کالی مرچ ڈال کر مزید ایک منٹ پکائیں۔پھر اس میں ابلے ہوئے چاول، اسکرمبلڈ ایگ اور سبز پیاز ڈال کر تیز آنچ پر اچھی طرح مکس کر لیں۔

مزیدار فرائیڈ رائس تیار ہیں چکن منچو رین کے ساتھ سرو کریں۔