چکن میرینیشن بنانے کے لئے ایک باؤل میں چکن، نمک،لال مرچ پاؤڈر، پیپریکا، کالی مرچیں، سفید مرچیں، ذیرہ پاؤڈر، دھنیا پاؤڈر، چینی، ادرک لہسن پیسٹ، لیموں کا رس اور سرکہ ڈال کر اچھی طرح مکس کر کے تیس منٹ میرینیٹ ہونے کے لئے رکھ دیں اور پھر چار گھنٹے فریج میں رکھ دیں۔

ڈِپنگ بیٹر بنانے کے لئے ایک باؤل میں میدہ، کارن سٹارچ، بیکنگ پاؤڈر، نمک، لال مرچ پاؤڈر، کالی مرچیں، لہسن پاؤڈر، ادر ک پاؤڈر، سرکہ، ہاٹ سوس اور دودھ ڈال کر اچھی طرح مکس کر لیں، ڈِپنگ بیٹر تیار ہے۔

فرائیڈ چکن بنانے کے لئے میرینیٹ کئے ہوئے چکن پیس کو ڈِپنگ بیٹر لگاکر میدے میں کوٹ کرکے ٹھنڈے پانی میں ڈالیں اور مزید دو سیکنڈ کے لئے میدے میں کوٹ کر لیں۔

اب ایک فرائی پین میں کوٹ کئے ہوئے چکن کو ہلکی آنچ پر کرسپی ہونے تک فرائی کر لیں، فرائیڈ چکن تیار ہے۔

کوکٹیل سوس بنانے کے لئے ایک باؤل میں مایونیز، کیچپ، ہاٹ سوس، مسٹرڈ پیسٹ، لیموں کا رس، سرکہ، تبیسکو سوس، نمک اور لہسن ڈال کر اچھی طرح مکس کر لیں، کوکٹیل سوس تیار ہے۔

پِکل سوس بنانے کے لئے ایک باؤ ل میں مایونیز، لہسن، پیاز، اچاری کھیرا، ایلا پینو، کالا زیتون، پارسلی، نمک، کالی مرچیں، مسٹرڈ پیسٹ، شہد، ہاٹ سوس اور سرکہ ڈال کراچھی طرح مکس کر لیں، پِکل سوس تیار ہے۔

کرنچ برگر بنانے کے لئے برگر بنز کو ٹوسٹ کر کے اس پر پِکل سوس ڈالیں اور سلاد پتا رکھ دیں۔اب اس پر فرائیڈ چکن رکھ کر کوکٹیل سوس ڈالیں اور چیز سلائس رکھ دیں۔

پھر اس پر کچھ اور پِکل سوس ڈالیں اور دوسرا بن سلائس رکھ دیں، کرنچ برگر تیار ہے۔

کرنچ ریپ بنانے کے لئے فرائید چکن کو ٹکڑوں میں کاٹ لیں۔

اب ایک ٹورٹیلا لے کر اس پر مایونیز ڈالیں اور فرائیڈ چکن کے پیسیز رکھ دیں۔

پھر اس پر کوکٹیل سوس ڈال کر اس پر چیز سلائس، ٹماٹر، پیاز اور سلاد پتا رکھ کر رول کر لیں۔

مزیدار کرنچ ریپ تیار ہیں۔