کوفتہ بنانے کے لئے ایک باؤل میں مٹن قیمہ، روسٹ کیا ہوا چنوں کا آٹا، خشخاش، نمک، لال مرچ پاؤڈر، سوکھا دھنیا، انڈہ، ادرک لہسن پیسٹ، کٹی لال مرچیں، سبز دھنیا، سبز مرچیں اور زیرہ پاؤڈر ڈال کر اچھی طرح مکس کر یں۔

اب اپنے ہاتھوں میں قیمہ مکسچر لیں اورکوفتے کی شکل بنا لیں۔ پھر ایک برتن میں کھانے کا تیل گرم کرکے اس میں کوفتے ڈال کر اسی فیصد پکنے تک فرائی کر لیں۔کوفتے تیار ہیں۔

پیاز اور ٹماٹر پیوری بنانے کے لئے ایک پین میں کھانے کا تیل گرم کرکے اس میں پیاز، لہسن اور ادرک ڈال کر پیاز نرم ہونے تک پکائیں۔ اب اس میں ٹماٹر ڈال کرایک سے دو منٹ تک پکائیں۔

اب اس مکسچر کو بلینڈر میں ڈال کر اچھی طرح بلینڈ کرلیں۔پیاز اور ٹماٹر پیوری تیار ہے۔

کوفتہ ہانڈی بنانے کے لئے ایک پین میں کھانے کا تیل گرم کرکے اس میں پیاز پیوری ڈال کرایک سے دو منٹ تک پکائیں۔ اب اس میں کٹی لال مرچیں، پیپریکا پاؤڈر، نمک اورزیرہ پاؤڈر ڈال کردو سے تین منٹ تک پکائیں۔اب اس میں دہی ڈال کر تیل الگ ہونے تک پکائیں۔

پھر اس میں فرائی کئے ہوئے کوفتے اور پانی ڈال کرڈھکن سے ڈھک کر دس سے پندرہ منٹ ہلکی آنچ پر پکنے دیں۔کوفتہ ہانڈی تیار ہے۔

ثابت مصالحہ ساشے بنانے کے لئے ململ کا کپڑا لیں، اس میں دھنیا، زیرہ، کالی الائچی، کالی مرچ، لونگ اور دار چینی اسٹک ڈال کرساشے بنا لیں اور سائیڈ پر رکھ دیں۔

مٹن یخنی بنانے کے لئے ایک برتن میں پانی گرم کرکے اس میں مٹن، نمک اور ثابت مصالحے کا ساشے ڈال کر ڈھکن سے ڈھک کر مٹن گلنے تک ابال لیں۔ ابلا ہوا مٹن نکال لیں اور بعد میں استعمال کے لیے یخنی محفوظ کر لیں۔

وائٹ مٹن پلاؤ بنانے کے لئے ایک برتن میں کھانے کا تیل گرم کرکے اس میں زیرہ ڈال کر ایک منٹ تک پکائیں۔اب اس میں پیاز ڈال کر کچھ دیر پکا لیں۔پھر اس میں ٹماٹر ڈال کر ٹماٹر نرم ہونے تک پکائیں۔ اب اس میں ابلا ہوا مٹن ڈال کر پانچ منٹ تک پکائیں۔پھر اس میں دہی ڈال کردو سے تین منٹ پکائیں۔

پھر اس میں مٹن یخنی ڈال کر ابال لیں۔اب اس میں چاول ڈال کر اسی فیصد پانی خشک ہونے تک پکائیں۔پھر ڈھکن سے ڈھک کر ہلکی آنچ پر دس منٹ دم پر رکھ دیں۔وائٹ مٹن پلاؤ تیار ہے۔مٹن کوفتوں کے ساتھ سرو کریں۔